अतिग्रे उपसरपंच पदी भगवान पाटील (बापू)यांची बिनविरोध निवड
भगवान पाटील हे गेल्या 30 वर्षापासून राजकारणात व सामाजिक कार्यात अग्रेसर आहेत. त्यांचे शिक्षण दहावी-बारावी शिक्षणानंतर त्यांनी कळंबा आयटीआय मध्ये फिटर या ट्रेड चे शिक्षण पूर्ण केले व नंतर नामांकित अशा मोनोग्राफ कंपनीत त्यांनी नोकरी केली. त्यानंतर गावा शेजारील साजणी मध्ये नवमहाराष्ट्र सहकारी सूतगिरणी मध्ये पंधरा वर्षे युनियन अध्यक्षपदी काम पाहिले. त्यानंतर रुकडी येथे वीट भट्टीचा स्वतःचा व्यवसाय सुरू केला. व ट्रॅक्टर आणि व्यवसायामध्ये त्यांनी पदार्पण केले. कालांतराने अतिग्रे गावच्या सामाजिक राजकीय क्षेत्रामध्ये त्यांनी भाग घेतला. तसेच त्यांनी स्वतः नदीपासून पाईपलाईन करून एक प्रगतशील शेतकरी म्हणून नावलौकिक मिळवला. इचलकरंजी येथील यशवंतराव चव्हाण नागरी पतसंस्थेचे चेअरमन म्हणून काम पाहिले. तसेच अतिग्रे गावचे तंटामुक्त उपाध्यक्ष म्हणून त्यांनी काम पाहिले, म्हणूनच त्यांना त्यांनी केलेल्या राजकीय व सामाजिक कार्याची पोचपावती म्हणून अतिग्रे येथील नागरिकांनी सन 2023 मध्ये झालेल्या ग्रामपंचायत निवडणुकीमध्ये निवडून आले. आणि प्रभागाची विकासाची सूत्र हाती घेतली. ग्रामपंचायतचे उपसरपंच बाबासो पाटील यांनी आपला उपसरपंच पदाचा राजीनामा दिला. त्यामुळे रिक्त झालेल्या उपसरपंच पदासाठी दि. 9 सप्टेंबर 2024 रोजी ग्रामपंचायत मध्ये सरपंच सुशांत वड्ड यांच्या अध्यक्षतेखाली निवड सभा घेण्यात आली. यावेळी उपसरपंच पदासाठी भगवान पाटील यांचा एकमेव अर्ज दाखल झाल्याने, त्यांची उपसरपंच पदी बिनविरोध निवड झाल्याची घोषणा निवड समितीचे अध्यक्ष तथा सरपंच सुशांत वड्ड यांनी केली. यावेळी फटाक्याची आतिषबाजी व गुलालाची उधळण करून आनंद उत्सव साजरा करण्यात आला .
