शासकीय औद्योगिक प्रशिक्षण संस्थेत
सोमवारी रोजगार मेळावा
कोल्हापूर, दि. 17 : जिल्ह्यात पीएम नॅशनल अप्रेंटीस मेला (PMNAM) अंतर्गत शिकाऊ उमेदवारी भरती तथा रोजगार मेळावा सोमवार दिनांक 21 एप्रिल 2025 रोजी सकाळी 10.30 वाजता राजर्षी छत्रपती शाहू महाराज शासकीय औद्योगिक प्रशिक्षण संस्था, कळंबा रोड, कोल्हापूर येथे आयोजित केला आहे. मेळाव्यास जिल्ह्यातील नामांकीत आस्थापना सहभागी होणार आहेत. आयटीआय उत्तीर्ण व शिकाऊ उमेदवारी पूर्ण झालेले तसेच इतर पदवी व पदविकाधारक, बारावी पास, बारावी नापास उमेदवारांनी मार्कलिस्ट व आधारकार्ड घेवून मेळाव्यास उपस्थित रहावे, असे आवाहन राजर्षी छत्रपती शाहू महाराज शासकीय औद्योगिक प्रशिक्षण संस्थेचे प्राचार्य एम. एस. आवटे व मूलभूत प्रशिक्षण तथा अनुषंगिक सूचना केंद्राचे सहाय्यक प्रशिक्षणार्थी सल्लागार एम.आर.बहिरशेट यांनी केले आहे.
